គោលនយោបាយមូលដ្ឋានស្ដីពីក្រុមឧក្រិដ្ឋជន
SBI Remit Co., Ltd.
ក្រុមហ៊ុនបានបង្កើត “គោលនយោបាយមូលដ្ឋានស្ដីពីក្រុមឧក្រិដ្ឋជន” ដែលមានចែងខាងក្រោម ដើម្បីរក្សាសន្តិសុខ សណ្តាប់ធ្នាប់និងសុវត្ថិភាពសង្គម។ ក្រុមហ៊ុនត្រូវធានាថា គោលនយោបាយទាំងនេះ ត្រូវបានអនុវត្តដោយហ្មត់ចត់បំផុត។
- 1. ក្រុមហ៊ុនត្រូវបិទរាល់ទំនាក់ទំនងជាមួយភាគីដែលពាក់ព័ន្ធនឹងអង្គការឧក្រិដ្ឋកម្មណាមួយ រួមទាំងប្រតិបត្តិការសាច់ប្រាក់អាជីវកម្មផងដែរ។
- 2. សមាជិកនៃក្រុមថ្នាក់ដឹកនាំរបស់ក្រុមហ៊ុន SBI Remit ដូចជានាយកជាដើម ត្រូវមានការចូលរួមតាមសមស្របនៅក្នុងការដោះស្រាយបញ្ហាតម្រូវការមិនត្រឹមត្រូវណាមួយដែលធ្វើឡើងដោយភាគីដែលពាក់ព័ន្ធនឹងអង្គការឧក្រិដ្ឋកម្មណាមួយ ហើយត្រូវសហការជាមួយស្ថាប័នទាំងមូលដើម្បីអនុវត្តកិច្ចការដើម្បីធានាសុវត្ថិភាពដល់មន្រ្តីនិងបុគ្គលិកដែលប្រឈមមុខដោះស្រាយបញ្ហានោះ។
- 3. ដើម្បីអនុញ្ញាតឲ្យក្រុមហ៊ុនធ្វើការរៀបចំសម្រាប់ការទាមទារមិនត្រឹមត្រូវណាមួយដែលអាចធ្វើឡើងដោយអង្គការឧក្រិដ្ឋកម្ម ក្រុមហ៊ុនមានផែនការពង្រឹងចំណងកិច្ចសហការរឹងមាំជាមួយមន្ត្រីនគរបាល និងអ្នកជំនាញពីខាងក្រៅ ដូចជាមេធាវីជាដើម នៅក្នុងករណីមិនប្រក្រតីណាមួយ។
- 4. ក្រុមហ៊ុន មិនត្រូវធ្វើការឆ្លើយតបទៅនឹងការទាមទារពុំត្រឹមត្រូវដោយអង្គការឧក្រិដ្ឋកម្ម និងត្រូវធ្វើការដោះស្រាយបញ្ហាតាមលក្ខណៈផ្លូវច្បាប់។
- 5. ទោះក្នុងហេតុផលណាក៏ដោយ ក្រុមហ៊ុនមិនត្រូវធ្វើការចរចាលាក់កំបាំងជាមួយអង្គការឧក្រិដ្ឋកម្មសម្រាប់គោលបំណងនៃការលាក់បាក់ស្ថានភាពនោះទេ។
- 6. ក្រុមហ៊ុនមិនត្រូវផ្តល់ហិរញ្ញប្បទានដល់អង្គការឧក្រិដ្ឋកម្មណាមួយជាដាច់ខាត។
