ការគ្រប់គ្រងព័ត៌មានបុគ្គល

ក្រុមហ៊ុន SBI Remit ចុះផ្សាយព័ត៌មានខាងក្រោម ស្របទៅតាម ‘ច្បាប់ស្តីពីការការពារព័ត៌មានបុគ្គល’ និងច្បាប់ដែលពាក់ព័ន្ធ (ចាប់ពីពេលនេះតទៅហៅកាត់ថា “ច្បាប់ស្តីពីសិទ្ធិឯកជនភាព”)។

1. បញ្ហានានាពាក់ព័ន្ធនឹងការបោះពុម្ពផ្សាយការប្រើប្រាស់ដោយចេតនានូវព័ត៌មានបុគ្គល

ក្រុមហ៊ុន SBI Remit ត្រូវប្រើប្រាស់ព័ត៌មានបុគ្គលរបស់អតិថិជន ដែលទទួលបានដោយផ្ទាល់ឬដោយប្រយោល ក្នុងកម្រិតមួយដែលចាំបាច់ដើម្បីបំពេញបាននូវការប្រើប្រាស់ដោយចេតនា ដូចមានរៀបរាប់ខាងក្រោម។
សូមកត់សម្គាល់ថា នៅពេលដែលក្រុមហ៊ុន ទទួលបានព័ត៌មានបុគ្គលដោយផ្ទាល់ពីអតិថិជនជាលាយលក្ខណ៍អក្សរ ក្រុមហ៊ុនត្រូវបង្ហាញឲ្យបានច្បាស់នូវគោលបំណងនៃការប្រើប្រាស់នោះជាមុន។
បន្ថែមលើការតម្រូវឲ្យបញ្ជាក់ឲ្យបានច្បាស់អំពីគោលបំណងនៃការប្រើប្រាស់ ដើម្បីឲ្យអតិថិជនបានដឹងអំពីការប្រើប្រាស់នោះ ក្រុមហ៊ុនក៏ត្រូវខិតខំប្រឹងប្រែងក្នុងការកំណត់គោលបំណងនៃការប្រើប្រាស់នោះ ស្របទៅតាមកាលៈទេសៈដែលព័ត៌មាននោះត្រូវទទួលបាន ឧទាហរណ៍ ដើម្បីឆ្លើយតបទៅនឹងកម្រងសំណួរ ឬត្រូវប្រើសម្រាប់គោលបំណងនៃការប្រមូលផ្តុំស្ថិតិ។

បញ្ជីនៃការប្រើប្រាស់តាមគោលបំណងចង់បាន

1.1. ដើម្បីចុះឈ្មោះជាសមាជិកសម្រាប់សេវាផ្ញើប្រាក់អន្តរជាតិ និងដើម្បីផ្តល់សេវា។
1.2. ដើម្បីបញ្ជាក់អត្តសញ្ញាណបុគ្គល និងដើម្បីបញ្ជាក់ថាតើបុគ្គលម្នាក់មានសិទ្ធិក្នុងការប្រើសេវារបស់ក្រុមហ៊ុនស្របទៅតាមច្បាប់ស្តីពី[ការបង្ការ]ការផ្ទេរប្រាក់នៃផលពីឧក្រិដ្ឋកម្ម ច្បាប់ស្តីពីរូបិយប័ណ្ណបរទេស ច្បាប់ស្តីពីការប្រគល់របាយការណ៍នៃការផ្ទេរប្រាក់ក្រៅប្រទេសសម្រាប់គោលបំណងនៃការធានាការបង់ពន្ធក្នុងស្រុកឲ្យបានត្រឹមត្រូវ និងច្បាប់និងបទប្បញ្ញត្តិពាក់ព័ន្ធផ្សេងៗ។
1.3. ដើម្បីបំពេញសេវាកម្មណាមួយឲ្យបានត្រឹមត្រូវពាក់ព័ន្ធនឹងការវិភាគ (អាចដោយផ្នែក ឬទាំងស្រុង) ព័ត៌មានបុគ្គលដែលអនុវត្តដោយក្រុមពីខាងក្រៅដោយប្រតិបត្តិករអាជីវកម្មផ្សេងទៀត។
1.4. ដើម្បីអនុវត្តសិទ្ធិ និងការបំពេញកាតព្វកិច្ចផ្អែកលើកិច្ចសន្យាជាមួយអតិថិជនរបស់ក្រុមហ៊ុន និងច្បាប់និងបទប្បញ្ញត្តិពាក់ព័ន្ធ។
1.5. ដើម្បីស្រាវជ្រាវ និងអភិវឌ្ឍសេវារបស់ក្រុមហ៊ុន ដោយអនុវត្តតាមការស្ទង់មតិទីផ្សារ ជាមួយនឹងការវិភាគទិន្នន័យ និងកម្រងសំណួរ។
1.6. ដើម្បីជូនដំណឹងដល់អតិថិជនអំពីសេវាកម្ម តាមរយៈប្រៃសណីយ៍ដោយផ្ទាល់ ឬតាមមធ្យោបាយស្រដៀងគ្នានេះ។
1.7. ដើម្បីជូនដំណឹងអំពីផលិតផលនិងសេវាកម្មពីក្រុមហ៊ុនបុត្តសម្ព័ន្ធ ឬអង្គភាពស្រដៀងគ្នានេះ។
1.8. ដើម្បីលុបចោលប្រតិបត្តិការសាច់ប្រាក់ និងអនុវត្តនូវកិច្ចការរដ្ឋបាល បន្ទាប់ពីការលុបចោល។
1.9. ដើម្បីអនុវត្តនូវប្រតិបត្តិការសាច់ប្រាក់ជាមួយនឹងអតិថិជនឲ្យបានសមស្រប និងក្នុងលក្ខណៈដែលគ្មានឧបសគ្គ។

សូមកត់សម្គាល់ថា ត្រង់ចំណុចដែលគោលបំណងនៃការប្រើប្រាស់ព័ត៌មានបុគ្គលណាមួយ ត្រូវបានរឹតត្បិតដោយច្បា ព័ត៌មាននោះមិនត្រូវប្រើប្រាស់សម្រាប់គោលបំណងណាមួយក្រៅពីគោលបំណងដែលបានបញ្ជាក់នោះទេ។ ជាក់ស្ដែង ចំណុចដូចមានចែងខាងក្រោមនេះ។

ស្របតាមមាត្រា 26 នៃបទប្បញ្ញត្តិច្បាប់គណៈរដ្ឋមន្រ្តីស្តីពីក្រុមហ៊ុនផ្តល់សេវាផ្ទេរប្រាក់ ក្រុមហ៊ុនផ្តល់សេវាផ្ទេរប្រាក់ ត្រូវធ្វើការធានាសុវត្ថិភាពឲ្យបានសមស្របនូវប្រតិបត្តិការនៃសេវាកម្មរបស់ពួកគេ និងមិនត្រូវប្រើប្រាស់ និងមិនត្រូវផ្តល់ព័ត៌មានដល់ភាគីទីបីនូវព័ត៌មានបុគ្គលពាក់ព័ន្ធនឹងជាតិសាសន៍ គោលជំនឿ ប្រភពគ្រួសារ លំនៅដ្ឋាន ស្ថានភាពសុខភាពនិងវេជ្ជសាស្រ្ត និងកំណត់ត្រាឧក្រិដ្ឋកម្ម ក៏ដូចជាព័ត៌មានពិសេសមិនមែនសាធារណៈដែលគ្រប់គ្រងដោយអ្នកផ្តល់សេវា (ឧ.ទា. ព័ត៌មានផ្សេងទៀតដែលបានដឹងតាមរយៈពេលវេលាអាជីវកម្មដែលមិនមានការដឹងឮជាសាធារណៈ)។

ស្របតាមច្បាប់ស្តីពីការប្រើប្រាស់ចំនួនលេខដើម្បីកំណត់ពីបុគ្គលជាក់លាក់នៅក្នុងនីតិវិធីរដ្ឋបាល ក្រុមហ៊ុន SBI Remit ពុំទទួលបាន ប្រើប្រាស់ ឬផ្តល់ជូនដល់ភាគីទីបីនូវលេខអត្តសញ្ញាណបុគ្គលរបស់ក្រុមហ៊ុន ឬព័ត៌មានបុគ្គលដែលរួមបញ្ចូលនូវលេខអត្តសញ្ញាណបុគ្គល សម្រាប់គោលបំណងណាមួយផ្សេងទៀតក្រៅពីការប្រើប្រាស់តាមគោលបំណងដែលមានការអនុញ្ញាតដោយច្បាប់ដូចគ្នានោះទេ។

2. ការទទួលបានព័ត៌មានបុគ្គលត្រឹមត្រូវ

ក្រុមហ៊ុន SBI Remit ត្រូវទទួលបានព័ត៌មានបុគ្គលឲ្យបានត្រឹមត្រូវពីអតិថិជនរបស់ខ្លួន។
ឧទាហរណ៍ ក្រុមហ៊ុនអាចប្រមូលព័ត៌មានបុគ្គលពីប្រភពដូចខាងក្រោម។

ឧទាហរណ៍នៃប្រភពដែលប្រើដើម្បីប្រមូលព័ត៌មាន
ប្រភពដែលព័ត៌មានត្រូវបានផ្តល់ជូនដោយផ្ទាល់ពីអតិថិជន ដូចជា គេហទំព័ររបស់ក្រុមហ៊ុន SBI Remit ដែលអតិថិជនបញ្ចូលទិន្នន័យរបស់ពួកគេ ក៏ដូចជាឯកសារជាលាយលក្ខណ៍ដែលដាក់ជូន និងប្រគល់ជូនដោយអតិថិជន ដូចជា ទម្រង់ពាក្យស្នើសុំចុះឈ្មោះជាសមាជិក ។ល។

3-1. ការផ្តល់ព័ត៌មានបុគ្គលជូនដល់ភាគីទីបី

ក្រុមហ៊ុន SBI Remit មិនត្រូវផ្តល់ព័ត៌មានបុគ្គលណាមួយដែលខ្លួនមានដល់ភាគីទីបីដោយគ្មានការយល់ព្រមពីអតិថិជននោះទេ លើកលែងតែសេវាកម្មណាដែលត្រូវបំពេញនៅខាងក្រៅ ព័ត៌មានណាដែលផ្តល់ជូនពាក់ព័ន្ធនឹងអាជីវកម្មក្រោយៗ ដែលកើតចេញពីការរំលាយក្រុមហ៊ុនបញ្ចូលគ្នា ឬដោយមូលហេតុផ្សេងទៀត ព័ត៌មានណាដែលមានការប្រើប្រាស់រួមគ្នា និងក្នុងករណីនានាដែលមានចែងដូចខាងក្រោម៖

3.1. នៅត្រង់ចំណុចណាដែលមានមូលដ្ឋានច្បាប់ឬបទប្បញ្ញត្តិត្រឹមត្រូវ
3.2. នៅត្រង់ចំណុចណាដែលមានការចាំបាច់សម្រាប់ការការពារជីវិតមនុស្ស បុគ្គល ឬទ្រព្យសម្បត្តិ ហើយវាមានការលំបាកក្នុងការទទួលបានការយល់ព្រមពីបុគ្គលដែលពាក់ព័ន្ធ។
3.3. នៅត្រង់ចំណុចណាដែលមានការចាំបាច់ដើម្បីលើកកម្ពស់សុខភាពសាធារណៈ ឬលើកកម្ពស់ការអភិវឌ្ឍសុខភាពកុមារ ហើយវាមានការលំបាកក្នុងការទទួលបានការយល់ព្រមពីបុគ្គលពាក់ព័ន្ធ។
3.4. នៅត្រង់ចំណុចណាដែលមានការចាំបាច់ដើម្បីចូលរួមសហការជាមួយភ្នាក់ងារជាតិ អង្គភាពរដ្ឋាភិបាលក្នុងស្រុក ឬអ្នកទទួលបញ្ញើនៅក្នុងការអនុវត្តកិច្ចការច្បាប់ឬបទប្បញ្ញត្តិ និងត្រង់ចំណុចណាដែលការអនុវត្តកិច្ចការ នឹងបង្កជាឧបសគ្គ ឬហានិភ័យដែលមានជាឧបសគ្គ ប្រសិនបើទទួលបានការយល់ព្រមពីបុគ្គលពាក់ព័ន្ធ។

សូមកត់សម្គាល់ថា នៅពេលមានសេវាត្រូវប្រគល់ទៅក្រុមហ៊ុនខាងក្រៅ ក្រុមហ៊ុននោះ ត្រូវចុះកិច្ចសន្យាជាមួយក្រុមហ៊ុនម៉ៅការដើម្បីធានាថាព័ត៌មានបុគ្គលនោះ ត្រូវបានគ្រប់គ្រងយ៉ាងតឹងរឹងនៅក្នុងការរក្សាទុកស្តង់ដាជាមួយក្រុមហ៊ុន SBI Remit ហើយក្រុមហ៊ុន ត្រូវធានាថាមានវិធានការបង្ការត្រឹមត្រូវកំពុងដាក់ឲ្យអនុវត្ត។

ឧទាហរណ៍ ក្រុមហ៊ុន SBI Remitប្រគល់ការងារគ្រប់គ្រងព័ត៌មានបុគ្គលដល់ក្រុមហ៊ុនខាងក្រៅ ពាក់ព័ន្ធនឹងកិច្ចការរដ្ឋបាលដូចខាងក្រោម។

ឧទាហរណ៍នៃកិច្ចការរដ្ឋបាលអនុវត្តដោយក្រុមហ៊ុនខាងក្រៅ
កិច្ចការដែលពាក់ព័ន្ធនឹងការដឹកជញ្ជូនឯកសារនីតិវិធី;
កិច្ចការដែលពាក់ព័ន្ធការដឹកជញ្ជូនប្រៃសណីយ៍ដោយផ្ទាល់;
សេវាដែលពាក់ព័ន្ធនឹងប្រតិបត្តិការនិងការថែទាំប្រព័ន្ធ; និង
ប្រតិបត្តិការដែលពាក់ព័ន្ធនឹងការប្រគល់ជូនសេវាផ្ញើប្រាក់របស់ក្រុមហ៊ុន។
ការងារឆ្លើយតបទៅនឹងសំណួររបស់អតិថិជន

3-2. ការផ្តល់ព័ត៌មានផ្ទាល់ខ្លួនដល់ភាគីទីបីនៅបរទេស

(1) ព័ត៌មានអំពីឈ្មោះនៃប្រទេសខាងក្រៅ និងប្រព័ន្ធការពារព័ត៌មានផ្ទាល់ខ្លួននៅបរទេសដែលទទួលបានដោយវិធីសាស្ត្រសមស្រប និងសមហេតុផល

ក្រុមហ៊ុនអាចផ្តល់ព័ត៌មានផ្ទាល់ខ្លួនដែលក្រុមហ៊ុនយើងមាន ទៅឱ្យប្រតិបត្តិករអាជីវកម្មខាងក្រោម អាស្រ័យលើប្រទេសដែលអតិថិជនផ្ញើប្រាក់។

ប្រព័ន្ធទូទាត់ប្រាក់អន្តរជាតិ MoneyGram អាយអ៊ិនស៊ី	សហរដ្ឋអាមេរិក
ធនាគារ LandBank នៃប្រទេសហ្វីលីពីន	សាធារណរដ្ឋហ្វីលីពីន
G-Xchange អាយអ៊ិនស៊ី	សាធារណរដ្ឋហ្វីលីពីន
COINS.PH (BETUR INC.)	សាធារណរដ្ឋហ្វីលីពីន
ធនាគារ PT Bank Rakyat Indonesia (Persero) Tbk.	សាធារណរដ្ឋឥណ្ឌូនេស៊ី
ធនាគារ PT Bank Central Asia Tbk	សាធារណរដ្ឋឥណ្ឌូនេស៊ី
ធនាគារពាណិជ្ជរួមភាគហ៊ុន VIETNAM JOINT STOCK COMMERCIAL BANK FOR INDUSTRY AND TRADE	សាធារណរដ្ឋសង្គមនិយមវៀតណាម
ធនាគារពាណិជ្ជរួមភាគហ៊ុន Tien Phong Commercial Joint Stock Bank	សាធារណរដ្ឋសង្គមនិយមវៀតណាម
ធនាគារពាណិជ្ជរួមភាគហ៊ុន SAI GON THUONG TIN COMMERCIAL JOINT STOCK BANK	សាធារណរដ្ឋសង្គមនិយមវៀតណាម
ក្រុមហ៊ុន City Express Money Transfer Pvt., Ltd.	សាធារណរដ្ឋប្រជាធិបតេយ្យសហព័ន្ធនេប៉ាល់
សេវាផ្ទេរប្រាក់ JET PERU S.A.	សាធារណរដ្ឋប៉េរូ
សេវាផ្ទេរប្រាក់ Tranglo Sdn. Bhd.	ម៉ាឡេស៊ី
ធនាគារពាណិជ្ជ The Siam Commercial Bank Public Company Limited	ព្រះរាជាណាចក្រថៃ
ធនាគារ CB (Co-operative Bank Ltd.)	សាធារណរដ្ឋសហព័ន្ធមីយ៉ាន់ម៉ា
ធនាគារអេស៊ីលីដា ភីអិលស៊ី	ព្រះរាជាណាចក្រកម្ពុជា
ក្រុមហ៊ុន UnionPay International Co., Ltd.	សាធារណរដ្ឋប្រជាមានិតចិន

សម្រាប់ព័ត៌មានអំពីប្រព័ន្ធការពារព័ត៌មានផ្ទាល់ខ្លួននៅក្នុងប្រទេសដែលប្រតិបត្តិករអាជីវកម្មខាងលើស្ថិតនៅ សូមពិនិត្យមើលទំព័រខាងក្រោមដែលចេញផ្សាយដោយគណៈកម្មការការពារព័ត៌មានផ្ទាល់ខ្លួន ឬមើលផ្នែកខាងក្រោម។
https://www.ppc.go.jp/personalinfo/legal/kaiseihogohou/#gaikoku

· សាធារណរដ្ឋប្រជាធិបតេយ្យសហព័ន្ធនេប៉ាល់

អត្ថិភាពនៃប្រព័ន្ធការពារព័ត៌មានផ្ទាល់ខ្លួន

ព័ត៌មានដែលអាចជាការចង្អុលបង្ហាញអំពីប្រព័ន្ធការពារព័ត៌មានផ្ទាល់ខ្លួន

・វិញ្ញាបនបត្របញ្ជាក់ភាពគ្រប់គ្រាន់របស់សហភាពអឺរ៉ុប៖ គ្មាន
・ប្រព័ន្ធ CBPR របស់ APEC៖ គ្មាន
・កាតព្វកិច្ចរបស់ប្រតិបត្តិករអាជីវកម្ម។ល។ ឬសិទ្ធិរបស់បុគ្គលស្របតាមគោលការណ៍ទាំង 8 នៃគោលការណ៍ណែនាំអំពីឯកជនភាពរបស់ OECD មានចែងទាំងពីរ។
ប្រព័ន្ធផ្សេងទៀតដែលអាចមានឥទ្ធិពលខ្លាំងទៅលើសិទ្ធិ និងផលប្រយោជន៍របស់បុគ្គល :គ្មាន

· សាធារណរដ្ឋប៉េរូ

■អត្ថិភាពនៃប្រព័ន្ធការពារព័ត៌មានផ្ទាល់ខ្លួន

■　ច្បាប់លេខ 29733 ច្បាប់ស្តីពីការការពារព័ត៌មានផ្ទាល់ខ្លួន
■　ក្រឹត្យកំពូលលេខ 003-2013-JUS- បញ្ញត្តិនៃច្បាប់ការពារព័ត៌មានផ្ទាល់ខ្លួន។

■ព័ត៌មានដែលអាចជាការចង្អុលបង្ហាញអំពីប្រព័ន្ធការពារព័ត៌មានផ្ទាល់ខ្លួន　

・វិញ្ញាបនបត្របញ្ជាក់ភាពគ្រប់គ្រាន់របស់សហភាពអឺរ៉ុប៖ គ្មាន
・ប្រព័ន្ធ CBPR របស់ APEC៖ គ្មាន
・កាតព្វកិច្ចរបស់ប្រតិបត្តិករអាជីវកម្ម។ល។ ឬសិទ្ធិរបស់បុគ្គលស្របតាមគោលការណ៍ទាំង 8 នៃគោលការណ៍ណែនាំអំពីឯកជនភាពរបស់ OECD មានចែងទាំងពីរ។
・ប្រព័ន្ធផ្សេងទៀតដែលអាចមានឥទ្ធិពលខ្លាំងទៅលើសិទ្ធិ និងផលប្រយោជន៍របស់បុគ្គល : គ្មាន

(2) ព័ត៌មានស្តីពីវិធានការដើម្បីការពារព័ត៌មានផ្ទាល់ខ្លួនដែលធ្វើឡើងដោយភាគីទីបី

វិធានការស្របតាមគោលការណ៍ទាំង 8 នៃគោលការណ៍ណែនាំអំពីឯកជនភាពរបស់ OECD ដែលធ្វើឡើងដោយប្រតិបត្តិករអាជីវកម្មខាងលើ មានដូចខាងក្រោម។

・ប្រព័ន្ធទូទាត់ប្រាក់អន្តរជាតិ MoneyGram អាយអ៊ិនស៊ី
មានអនុវត្តវិធានការទាំងអស់។
・ធនាគារ LandBank នៃប្រទេសហ្វីលីពីន
មានអនុវត្តវិធានការទាំងអស់។
・G-Xchange អាយអ៊ិនស៊ី
មានអនុវត្តវិធានការទាំងអស់។
・កម្មវិធី COINS.PH (BETUR INC.)
មានអនុវត្តវិធានការទាំងអស់។
・ធនាគារ PT Bank Rakyat Indonesia (Persero) Tbk
1. ① គោលការណ៍កំហិតការប្រមូល : មានអនុវត្តវិធានការ។
2. ② គោលការណ៍នៃខ្លឹមសារទិន្នន័យ : បានពិនិត្យមើលថា
3. ③ គោលការណ៍នៃការបំភ្លឺគោលបំណង : មានអនុវត្តវិធានការ។
4. ④ គោលការណ៍កំហិតការប្រើប្រាស់ : មានអនុវត្តវិធានការ។
5. ⑤ គោលការណ៍នៃវិធានការការពារសុវត្ថិភាព : មានអនុវត្តវិធានការ។
6. ⑥ គោលការណ៍នៃការបង្ហាញជាសាធារណៈ : បានពិនិត្យមើលថា
7. ⑦ គោលការណ៍នៃការចូលរួមរបស់បុគ្គល : បានពិនិត្យមើលថា
8. ⑧ គោលការណ៍នៃទំនួលខុសត្រូវ : បានពិនិត្យមើលថា
・ធនាគារ PT Bank Central Asia Tbk
1. ① គោលការណ៍កំហិតការប្រមូល : បានពិនិត្យមើលថា
2. ② គោលការណ៍នៃខ្លឹមសារទិន្នន័យ : បានពិនិត្យមើលថា
3. ③ គោលការណ៍នៃការបំភ្លឺគោលបំណង : បានពិនិត្យមើលថា
4. ④ គោលការណ៍កំហិតការប្រើប្រាស់ : មានអនុវត្តវិធានការ។
5. ⑤ គោលការណ៍នៃវិធានការការពារសុវត្ថិភាព : មានអនុវត្តវិធានការ។
6. ⑥ គោលការណ៍នៃការបង្ហាញជាសាធារណៈ : បានពិនិត្យមើលថា
7. ⑦ គោលការណ៍នៃការចូលរួមរបស់បុគ្គល : បានពិនិត្យមើលថា
8. ⑧ គោលការណ៍នៃទំនួលខុសត្រូវ : បានពិនិត្យមើលថា
・ធនាគារពាណិជ្ជរួមភាគហ៊ុន VIETNAM JOINT STOCK COMMERCIAL BANK FOR INDUSTRY AND TRADE E
1. ① គោលការណ៍កំហិតការប្រមូល : មានអនុវត្តវិធានការ។
2. ② គោលការណ៍នៃខ្លឹមសារទិន្នន័យ : បានពិនិត្យមើលថា
3. ③ គោលការណ៍នៃការបំភ្លឺគោលបំណង : មានអនុវត្តវិធានការ។
4. ④ គោលការណ៍កំហិតការប្រើប្រាស់ : មានអនុវត្តវិធានការ។
5. ⑤ គោលការណ៍នៃវិធានការការពារសុវត្ថិភាព : មានអនុវត្តវិធានការ។
6. ⑥ គោលការណ៍នៃការបង្ហាញជាសាធារណៈ : បានពិនិត្យមើលថា
7. ⑦ គោលការណ៍នៃការចូលរួមរបស់បុគ្គល : បានពិនិត្យមើលថា
8. ⑧ គោលការណ៍នៃទំនួលខុសត្រូវ : មិនអាចបញ្ជាក់បានថាមានអនុវត្តវិធានការទេ។
・ធនាគារពាណិជ្ជរួមភាគហ៊ុន Tien Phong Commercial Joint Stock Bank
1. ① គោលការណ៍កំហិតការប្រមូល : មានអនុវត្តវិធានការ។
2. ② គោលការណ៍នៃខ្លឹមសារទិន្នន័យ : មានអនុវត្តវិធានការ។
3. ③ គោលការណ៍នៃការបំភ្លឺគោលបំណង : មានអនុវត្តវិធានការ។
4. ④ គោលការណ៍កំហិតការប្រើប្រាស់ : មានអនុវត្តវិធានការ។
5. ⑤ គោលការណ៍នៃវិធានការការពារសុវត្ថិភាព : មានអនុវត្តវិធានការ។
6. ⑥ គោលការណ៍នៃការបង្ហាញជាសាធារណៈ : បានពិនិត្យមើលថា
7. ⑦ គោលការណ៍នៃការចូលរួមរបស់បុគ្គល : បានពិនិត្យមើលថា
8. ⑧ គោលការណ៍នៃទំនួលខុសត្រូវ : មិនអាចបញ្ជាក់បានថាមានអនុវត្តវិធានការទេ។
・ធនាគារពាណិជ្ជរួមភាគហ៊ុន SAI GON THUONG TIN COMMERCIAL JOINT STOCK BANK
1. ① គោលការណ៍កំហិតការប្រមូល : មានអនុវត្តវិធានការ។
2. ② គោលការណ៍នៃខ្លឹមសារទិន្នន័យ : បានពិនិត្យមើលថា
3. ③ គោលការណ៍នៃការបំភ្លឺគោលបំណង : មានអនុវត្តវិធានការ។
4. ④ គោលការណ៍កំហិតការប្រើប្រាស់ : មានអនុវត្តវិធានការ។
5. ⑤ គោលការណ៍នៃវិធានការការពារសុវត្ថិភាព : មានអនុវត្តវិធានការ។
6. ⑥ គោលការណ៍នៃការបង្ហាញជាសាធារណៈ : បានពិនិត្យមើលថា
7. ⑦ គោលការណ៍នៃការចូលរួមរបស់បុគ្គល : បានពិនិត្យមើលថា
8. ⑧ គោលការណ៍នៃទំនួលខុសត្រូវ : មិនអាចបញ្ជាក់បានថាមានអនុវត្តវិធានការទេ។
・ក្រុមហ៊ុន City Express Money Transfer Pvt., Ltd.
1. ① គោលការណ៍កំហិតការប្រមូល : មានអនុវត្តវិធានការ។
2. ② គោលការណ៍នៃខ្លឹមសារទិន្នន័យ : មិនអាចបញ្ជាក់បានថាមានអនុវត្តវិធានការទេ។
3. ③ គោលការណ៍នៃការបំភ្លឺគោលបំណង : មានអនុវត្តវិធានការ។
4. ④ គោលការណ៍កំហិតការប្រើប្រាស់ : មានអនុវត្តវិធានការ។
5. ⑤ គោលការណ៍នៃវិធានការការពារសុវត្ថិភាព : បានពិនិត្យមើលថា
6. ⑥ គោលការណ៍នៃការបង្ហាញជាសាធារណៈ : បានពិនិត្យមើលថា
7. ⑦ គោលការណ៍នៃការចូលរួមរបស់បុគ្គល : មានអនុវត្តវិធានការ។
8. ⑧ គោលការណ៍នៃទំនួលខុសត្រូវ : មានអនុវត្តវិធានការ។
・សេវាផ្ទេរប្រាក់ JET PERU S.A.
1. ① គោលការណ៍កំហិតការប្រមូល : មានអនុវត្តវិធានការ។
2. ② គោលការណ៍នៃខ្លឹមសារទិន្នន័យ : មិនអាចបញ្ជាក់បានថាមានអនុវត្តវិធានការទេ។
3. ③ គោលការណ៍នៃការបំភ្លឺគោលបំណង : មានអនុវត្តវិធានការ។
4. ④ គោលការណ៍កំហិតការប្រើប្រាស់ : មានអនុវត្តវិធានការ។
5. ⑤ គោលការណ៍នៃវិធានការការពារសុវត្ថិភាព : មានអនុវត្តវិធានការ។
6. ⑥ គោលការណ៍នៃការបង្ហាញជាសាធារណៈ : បានពិនិត្យមើលថា
7. ⑦ គោលការណ៍នៃការចូលរួមរបស់បុគ្គល : មានអនុវត្តវិធានការ។
8. ⑧ គោលការណ៍នៃទំនួលខុសត្រូវ : មិនអាចបញ្ជាក់បានថាមានអនុវត្តវិធានការទេ។
・សេវាផ្ទេរប្រាក់ Tranglo Sdn. Bhd.
1. ① គោលការណ៍កំហិតការប្រមូល : មានអនុវត្តវិធានការ។
2. ② គោលការណ៍នៃខ្លឹមសារទិន្នន័យ : បានពិនិត្យមើលថា
3. ③ គោលការណ៍នៃការបំភ្លឺគោលបំណង : មានអនុវត្តវិធានការ។
4. ④ គោលការណ៍កំហិតការប្រើប្រាស់ : មានអនុវត្តវិធានការ។
5. ⑤ គោលការណ៍នៃវិធានការការពារសុវត្ថិភាព : មានអនុវត្តវិធានការ។
6. ⑥ គោលការណ៍នៃការបង្ហាញជាសាធារណៈ : បានពិនិត្យមើលថា
7. ⑦ គោលការណ៍នៃការចូលរួមរបស់បុគ្គល : មានអនុវត្តវិធានការ។
8. ⑧ គោលការណ៍នៃទំនួលខុសត្រូវ : មិនអាចបញ្ជាក់បានថាមានអនុវត្តវិធានការទេ។
・ធនាគារពាណិជ្ជ The Siam Commercial Bank Public Company Limited
1. ① គោលការណ៍កំហិតការប្រមូល : មានអនុវត្តវិធានការ។
2. ② គោលការណ៍នៃខ្លឹមសារទិន្នន័យ : មានអនុវត្តវិធានការ។
3. ③ គោលការណ៍នៃការបំភ្លឺគោលបំណង : មានអនុវត្តវិធានការ។
4. ④ គោលការណ៍កំហិតការប្រើប្រាស់ : មានអនុវត្តវិធានការ។
5. ⑤ គោលការណ៍នៃវិធានការការពារសុវត្ថិភាព : មានអនុវត្តវិធានការ។
6. ⑥ គោលការណ៍នៃការបង្ហាញជាសាធារណៈ : មានអនុវត្តវិធានការ។
7. ⑦ គោលការណ៍នៃការចូលរួមរបស់បុគ្គល : មានអនុវត្តវិធានការ។
8. ⑧ គោលការណ៍នៃទំនួលខុសត្រូវ : មិនអាចបញ្ជាក់បានថាមានអនុវត្តវិធានការទេ។
・ធនាគារ CB (Co-operative Bank Ltd.)
1. ① គោលការណ៍កំហិតការប្រមូល : មានអនុវត្តវិធានការ។
2. ② គោលការណ៍នៃខ្លឹមសារទិន្នន័យ : បានពិនិត្យមើលថា
3. ③ គោលការណ៍នៃការបំភ្លឺគោលបំណង : មានអនុវត្តវិធានការ។
4. ④ គោលការណ៍កំហិតការប្រើប្រាស់ : បានពិនិត្យមើលថា
5. ⑤ គោលការណ៍នៃវិធានការការពារសុវត្ថិភាព : មានអនុវត្តវិធានការ។
6. ⑥ គោលការណ៍នៃការបង្ហាញជាសាធារណៈ : បានពិនិត្យមើលថា
7. ⑦ គោលការណ៍នៃការចូលរួមរបស់បុគ្គល : មិនអាចបញ្ជាក់បានថាមានអនុវត្តវិធានការទេ។
8. ⑧ គោលការណ៍នៃទំនួលខុសត្រូវ : មិនអាចបញ្ជាក់បានថាមានអនុវត្តវិធានការទេ។
・ធនាគារអេស៊ីលីដា ភីអិលស៊ី
1. ① គោលការណ៍កំហិតការប្រមូល : មានអនុវត្តវិធានការ។
2. ② គោលការណ៍នៃខ្លឹមសារទិន្នន័យ : មិនអាចបញ្ជាក់បានថាមានអនុវត្តវិធានការទេ។
3. ③ គោលការណ៍នៃការបំភ្លឺគោលបំណង : មានអនុវត្តវិធានការ។
4. ④ គោលការណ៍កំហិតការប្រើប្រាស់ : មានអនុវត្តវិធានការ។
5. ⑤ គោលការណ៍នៃវិធានការការពារសុវត្ថិភាព : មានអនុវត្តវិធានការ។
6. ⑥ គោលការណ៍នៃការបង្ហាញជាសាធារណៈ : បានពិនិត្យមើលថា
7. ⑦ គោលការណ៍នៃការចូលរួមរបស់បុគ្គល : បានពិនិត្យមើលថា
8. ⑧ គោលការណ៍នៃទំនួលខុសត្រូវ : មិនអាចបញ្ជាក់បានថាមានអនុវត្តវិធានការទេ។
・ក្រុមហ៊ុន UnionPay International Co., Ltd.
មានអនុវត្តវិធានការទាំងអស់។

4. ការប្រើប្រាស់រួមគ្នានៃព័ត៌មានបុគ្គល

ក្រុមហ៊ុន SBI Remit អាចប្រើប្រាស់រួមគ្នានូវព័ត៌មានបុគ្គល ដែលមានរៀបរាប់នៅក្នុងចំណុច 4.1 ខាងក្រោម ជាមួយភាគីដែលមានរាយនាមក្នុងចំណុច 4.2។ ក៏ប៉ុន្តែ ព័ត៌មានបុគ្គលពាក់ព័ន្ធនឹងអ្នកដាក់ពាក្យសុំសម្រាប់ការងារដែលមានរៀបរាប់ក្នុងចំណុច 4.1.d. ត្រូវប្រើតែក្នុងគោលបំណងដែលបន្ថែមលើនេះ ក្រុមហ៊ុនត្រូវអនុវត្តតាមការកម្រិតចំពោះការប្រើប្រាស់រួមគ្នានូវព័ត៌មាន ស្របទៅតាមច្បាប់ស្ដីពីលិខិតូបករណ៍ហិរញ្ញវត្ថុ និងហិរញ្ញវត្ថុ ច្បាប់ស្ដីពីអាជីវកម្មធានារ៉ាប់រង និងច្បាប់ និងបទប្បញ្ញត្តិដែលពាក់ព័ន្ធ និងគ្រប់គ្រងព័ត៌មានបុគ្គលស្របទៅតាមច្បាប់ទាំងអស់នេះ។

4.1. ចំណុចដែលព័ត៌មានបុគ្គលអាចប្រើប្រាស់រួមគ្នាបានដូចខាងក្រោម៖

4.1.a. ឈ្មោះ អាសយដ្ឋាន ថ្ងៃខែឆ្នាំកំណើត លេខទូរសព្ទ អាសយដ្ឋានអ៊ីម៉ែល ព័ត៌មានអំពីតម្រូវការប្រតិបត្តិការសាច់ប្រាក់ ព័ត៌មានក្នុងប្រភពសាធារណៈ និងព័ត៌មានអំពីបុគ្គល។
4.1.b. កំណត់ត្រាប្រតិបត្តិការសាច់ប្រាក់ ទិន្នន័យចំណុច ប្រភេទផ្សេងៗនៃផលិតផលនិងសេវាកម្ម ។ល។ ដែលអតិថិជនបានដោះដូរ និងព័ត៌មានផ្សេងទៀតអំពីប្រតិបត្តិការសាច់ប្រាក់។
4.1.c. ព័ត៌មានដែលត្រូវការចាំបាច់សម្រាប់ការគ្រប់គ្រងប្រតិបត្តិការសាច់ប្រាក់ ដូចជា ចំនួនរដ្ឋបាល រួមទាំងចំនួនអតិថិជន និងចំនួនប្រតិបត្តិការសាច់ប្រាក់។ល។
4.1.d. ព័ត៌មានអំពីអតិថិជនដែលដាក់ពាក្យសុំការងារនៅតាមបណ្តាក្រុមហ៊ុនរបស់ SBI Group រួមបញ្ចូលទាំង ឈ្មោះ ភេទ អាសយដ្ឋានអ៊ីម៉ែល ថ្ងៃខែឆ្នាំកំណើត អាសយដ្ឋាន លេខទូរសព្ទ ប្រវត្តិការសិក្សា ប្រវត្តិការងារ ការជំរុញចិត្តនិងការលើកទឹកចិត្ត និងព័ត៌មានស្រដៀងគ្នានេះ។

4.2. វិសាលភាពដែលអ្នកប្រើប្រាស់ចែករំលែកព័ត៌មាន

ព័ត៌មានដែលមានក្នុងចំណុច 4.1 អាចត្រូវបានចែករំលែកជាមួយក្រុមហ៊ុន SBI Group ដែលមានចែងក្នុងគេហទំព័រខាងក្រោម (ចាប់ពីពេលនេះតទៅហៅកាត់ថា “បណ្តាក្រុមហ៊ុនរបស់ SBI Group”)។ សូមកត់សម្គាល់ថា សិទ្ធិរបស់អ្នកប្រើប្រាស់ក្នុងការចែករំលែកព័ត៌មាន អាចមានការផ្លាស់ប្តូរទៅតាមឆន្ទានុសិទ្ធិរបស់ក្រុមហ៊ុន។

http://www.sbigroup.co.jp/company/group/overview.html

4.3. ការប្រើប្រាស់តាមគោលបំណងនៃការចែករំលែកព័ត៌មាន

ព័ត៌មាននៅក្នុងចំណុច 4.1 ត្រូវបានចែករំលែកសម្រាប់ការប្រើប្រាស់តាមគោលបំណងដូចខាងក្រោម៖
4.3.a. សេវាដែលល្អសមស្របសម្រាប់អ្នកប្រើប្រាស់ដែលផ្តល់ដោយបណ្តាក្រុមហ៊ុនរបស់ SBI Group
ដើម្បីលើកកម្ពស់ភាពល្អប្រសើរក្នុងអំឡុងនៃការឡុកអ៊ីន និងការផ្ទៀងផ្ទាត់ភាពត្រឹមត្រូវបន្ទាប់ពីការឡុកអ៊ីន និងដើម្បីបង្ហាញពីព័ត៌មានអតិថិជនដោយស្វ័យប្រវត្តិនៅលើទំព័រផ្សេងៗ នៅពេលប្រើប្រាស់សេវានានាក្នុងនាមជាអតិថិជនដែលបានចុះឈ្មោះក្នុងបណ្តាក្រុមហ៊ុនរបស់ SBI Group។
4.3.b. សេវានានាដែលចាំបាច់ដើម្បីផ្តល់ទំនិញ
ដើម្បីអនុវត្តកាតព្វកិច្ចដែលចាំបាច់ដើម្បីប្រគល់ផលិតផល ផ្តល់សេវាកម្ម ទូទាត់ប្រាក់ ឆ្លើយតបនឹងសំណួរអតិថិជនពីបណ្តាក្រុមហ៊ុនរបស់ SBI Group ផ្តល់សេវាផ្សេងៗដែលពាក់ព័ន្ធបន្ទាប់ពីការលក់ និងអនុវត្តប្រតិបត្តិការសាច់ប្រាក់ដែលសមស្របដើម្បីរក្សាប្រាក់បម្រុង ទិញ ឬទូទាត់ថ្លៃផលិតផល ឬសេវា ឬប្រតិបត្តិការសាច់ប្រាក់មួយផ្សេងទៀតពីបណ្តាក្រុមហ៊ុនរបស់ SBI Group។
4.3.c. ការផ្សព្វផ្សាយ និងការធ្វើទីផ្សារសម្រាប់បណ្តាក្រុមហ៊ុនរបស់ SBI Group
- ・ ដើម្បីផ្តល់ព័ត៌មានពីបណ្តាក្រុមហ៊ុនរបស់ SBI Group តាមរយៈអ៊ីម៉ែល ទស្សនាវដ្តី ឬការប្រាស្រ័យទាក់ទងស្រដៀងគ្នានេះ។
- ・ ដើម្បីផ្តល់នូវព័ត៌មានអំពីសេវាកម្មរបស់បណ្តាក្រុមហ៊ុនរបស់ SBI Group តាមរយៈអ៊ីម៉ែល សារប្រៃសណីយ៍ ទូរសព្ទ ឬមធ្យោបាយស្រដៀងគ្នានេះ។
- ・ ដើម្បីផ្តល់នូវការផ្សព្វផ្សាយ និងខ្លឹមសារដែលមានផ្តល់ជូនដោយបណ្តាក្រុមហ៊ុនរបស់ SBI Group ស្របគ្នាជាមួយនឹងអត្តសញ្ញាណបុគ្គល ដូចជា ភេទ អាយុ ទីតាំងលំនៅដ្ឋាន សកម្មភាពកម្សាន្ត និងចំណាប់អារម្មណ៍ ក៏ដូចជាការទិញប្រវត្តិ និងប្រវត្តិនៃការស្រាវជ្រាវលើគេហទំព័រដែលដំណើរការដោយបណ្តាក្រុមហ៊ុនរបស់ SBI Group ឬស្ថាប័នស្រដៀងគ្នានេះ។
- ・ ដើម្បីបង្កើតនូវសេវាកម្មថ្មីៗ និងដើម្បីលើកកម្ពស់សេវាដែលមានស្រាប់តាមរយៈការវិភាគលើការប្រើប្រាស់សេវាកម្មរបស់បណ្តាក្រុមហ៊ុនរបស់ SBI Group។
- ・ ដើម្បីទំនាក់ទំនងដល់អ្នកដាក់ពាក្យសុំពាក់ព័ន្ធនឹងកម្រងសំណួរ យុទ្ធនាការ ការចាប់រង្វាន់ និងការដឹកជញ្ជូនរង្វាន់។
4.3.d. ការឆ្លើយតបទៅនឹងសំណួរ
ដើម្បីឆ្លើយតបទៅនឹងសំណួរដែលធ្វើឡើងទៅកាន់ក្រុមហ៊ុន SBI Group តាមរយៈអ៊ីម៉ែល សារប្រៃសណីយ៍ ឬទូរសព្ទ។
4.3.e. ការជ្រើសរើសបុគ្គលិក និងការទាញយកអ្នកមានសមត្ថភាព
ព័ត៌មានបុគ្គល រួមមាន ប្រវត្តិរូបសង្ខេបសម្រាប់សុំការងារ របាយការណ៍អំពីប្រវត្តិការងារដែលប្រគល់ជូនក្នុងគោលបំណងសុំការងារនៅក្រុមហ៊ុន SBI Group គប្បីត្រូវប្រើប្រាស់សម្រាប់គោលបំណងនៃសកម្មភាពទាញយកអ្នកមានសមត្ថភាពមកបម្រើការនៅក្រុមហ៊ុន SBI Group។
4.3.f. កាតព្វកិច្ចផ្សេងទៀត
បន្ថែមលើចំណុច 4.3.a. ដល់ 4.3.e ខាងលើ តាមការតម្រូវដោយលក្ខខណ្ឌនៃសេវាកម្មរបស់ក្រុមហ៊ុន SBI Group។
4.3.g. ប្រការផ្សេងៗ
ក្រុមហ៊ុនអាចប្រើប្រាស់ព័ត៌មានបុគ្គលសម្រាប់សេវាកម្មដែលបានផ្តល់ដោយបណ្តាក្រុមហ៊ុនរបស់ SBI Group សម្រាប់គោលបំណងផ្សេងក្រៅពីគោលបំណងដែលមានរៀបរាប់នៅក្នុងចំណុច 4.3.a ដល់ 4.3.f ខាងលើ។ នៅក្នុងករណីនោះ ត្រូវមានចុះផ្សាយការជូនដំណឹងនៅលើគេហទំព័រនោះ ពាក់ព័ន្ធនឹងសេវាកម្មដែលបានលើកឡើង។

4.4. ឈ្មោះរបស់ភាគីដែលទទួលខុសត្រូវក្នុងការគ្រប់គ្រងព័ត៌មានបុគ្គល
ឈ្មោះរបស់ភាគីដែលទទួលខុសត្រូវក្នុងការគ្រប់គ្រងព័ត៌មានបុគ្គល គឺក្រុមហ៊ុន SBI Holdings, Inc។
នាយកតំណាង ណាកាហ្កាវ៉ា ថាកាស៊ិ

4.5. សំណួរពាក់ព័ន្ធនឹងការប្រើប្រាស់រួមគ្នានូវព័ត៌មាន
សំណួរណាមួយអំពីការប្រើប្រាស់រួមគ្នានូវព័ត៌មាន គប្បីធ្វើការដោះស្រាយដោយផ្នែកកិច្ចការទូទៅ និងផ្នែកធនធានមនុស្សនៃក្រុមហ៊ុន SBI Holdings, Inc.
ទូរសព្ទ៖ 03-6229-0100 (តំណាង)

5. នីតិវិធីក្នុងការលុបចោលការធ្វើទីផ្សារដោយផ្ទាល់

ករណីមានសំណើរពីលោកអ្នក ក្រុមហ៊ុនយើងខ្ញុំអាចបញ្ឈប់ការផ្ញើអ៊ីម៉ែលទាក់ទងនឹងការផ្សព្វផ្សាយMarketingដោយផ្ទាល់់បាន ប៉ុន្តែមិនអាចកំណត់លើការជូនដំណឹងសំខាន់ៗដូចជាមានការMaintenanceនោះទេ។

សម្រាប់ព័ត៌មានលម្អិតអំពីនីតិវិធីនៃការលុបចោល
សំណើសុំ គប្បីធ្វើឡើងទៅកាន់សេវាបម្រើអតិថិជនដូចមានរៀបរាប់លម្អិតខាងក្រោម។

6. អំពីព័ត៌មានផ្ទាល់ខ្លួនដែលបានរក្សាទុក

(1) ឈ្មោះ អាសយដ្ឋាន និងឈ្មោះតំណាងប្រតិបត្តិករអាជីវកម្មដែលគ្រប់គ្រងព័ត៌មានផ្ទាល់ខ្លួន

ក្រុមហ៊ុន SBI Remit: 1-6-1 Roppongi, Minato-ku, ក្រុងតូក្យូ; Representative Director Yoshinori Kimura

(2) គោលបំណងនៃការប្រើប្រាស់ព័ត៌មានផ្ទាល់ខ្លួនដែលបានរក្សាទុក

ដូចដែលបានបង្ហាញនៅក្នុង «1» ខាងលើ។

(3) នីតិវិធីឆ្លើយតបទៅនឹងការលាតត្រដាងព័ត៌មានផ្ទាល់ខ្លួនដែលបានរក្សាទុក

យើងនឹងឆ្លើយតបទៅនឹងសំណើសុំឱ្យបង្ហាញជាដើមនូវព័ត៌មានផ្ទាល់ខ្លួនដែលយើងមានពីសាមីជន ឬអ្នកតំណាងរបស់គាត់ តាមលក្ខណៈខាងក្រោម។
ចំពោះព័ត៌មានលម្អិតនៃនីតិវិធី យើងនឹងឆ្លើយតបដោយការចេញឯកសារ
ឬដោយមធ្យោបាយផ្សេងទៀត បន្ទាប់ពីបានបញ្ជាក់អត្តសញ្ញាណសាមីជន (ឬអ្នកតំណាង) តាមវិធីសាស្ត្រខាងក្រោម។
ម្យ៉ាងទៀត អាស្រ័យលើខ្លឹមសារនៃសំណើ យើងអាចស្នើសុំឱ្យអ្នកដាក់ទម្រង់ពាក្យសុំរបស់ក្រុមហ៊ុនយើង។

ការធ្វើសំណើ
សំណើពីបុគ្គល (ឬភ្នាក់ងាររបស់ពួកគេ) សម្រាប់ការបញ្ចេញទិន្នន័យបុគ្គលដែលកាន់កាប់ដោយក្រុមហ៊ុន ត្រូវធ្វើឡើងដោយប្រើប្រាស់ទម្រង់ដែលមានចែងដោយក្រុមហ៊ុន។ នៅពេលដែលទម្រង់នោះត្រូវបានដាក់ស្នើ ទម្រង់នោះគប្បីផ្ញើតាមប្រៃសណីយ៍ទៅកាន់មជ្ឈមណ្ឌលគាំទ្រអតិថិជនជាមួយនឹងឯកសារកំណត់អត្តសញ្ញាណបុគ្គល។

ការបញ្ជាក់អំពីអត្តសញ្ញាណបុគ្គល ឬភ្នាក់ងារ
នៅក្នុងករណីដែលមានសំណើពីបុគ្គលណាម្នាក់ ក្រុមហ៊ុនត្រូវធ្វើការត្រួតពិនិត្យអត្តសញ្ញាណរបស់ពួកគេតាមរយៈប័ណ្ណបើកបរ លិខិតឆ្លងដែន ប័ណ្ណធានារ៉ាប់រងសុខភាព ឬឯកសារដែលមានការបញ្ជាក់ត្រឹមត្រូវ ដូចជា លិខិតចុះបញ្ជីដែលមានវាយត្រាទឹក (សូមកត់សម្គាល់ថា ឯកសារប្រភេទនេះ ត្រូវមានសុពលភាពក្នុងពេលបច្ចុប្បន្ន ឬត្រូវបានចេញជូនក្នុងរយៈពេលបីខែមុន)។ ក្រុមហ៊ុនត្រូវដាក់លេខទូរសព្ទបិទនៅខាងក្រោយលេខទូរសព្ទដែលបានចុះបញ្ជីជាមួយក្រុមហ៊ុន SBI Remit និងដើម្បីបញ្ជាក់ពីអត្តសញ្ញាណរបស់បុគ្គលដោយធ្វើការត្រួតពិនិត្យព័ត៌មានចុះបញ្ជី រួមមាន ឈ្មោះ អាសយដ្ឋាន និងលេខទូរសព្ទ។
ក្នុងករណីដែលមានការស្នើសុំពីភ្នាក់ងារណាម្នាក់ ក្រុមហ៊ុនត្រូវធ្វើការបញ្ជាក់ពីលិខិតប្រគល់សិទ្ធិរបស់ភ្នាក់ងារនោះ និងលិខិតចុះបញ្ជីដែលមានវាយត្រាទឹក ក្នុងករណីដែលត្រាទឹកដែលបោះនៅលើលិខិតប្រគល់សិទ្ធិនោះជារបស់ភ្នាក់ងារនោះ។ ក្រុមហ៊ុនក៏ត្រូវទាក់ទងទៅបុគ្គលនោះតាមទូរសព្ទដើម្បីធ្វើការបញ្ជាក់ពីអត្តសញ្ញាណរបស់ភ្នាក់ងារនោះដែរ។

ថ្លៃសេវា
ក្រុមហ៊ុនពុំគិតថ្លៃសេវាណាមួយពីអតិថិជននោះទេ សម្រាប់ការបញ្ចេញព័ត៌មានទិន្នន័យបុគ្គលដែលកាន់កាប់ដោយក្រុមហ៊ុន។ ក៏ប៉ុន្តែ អតិថិជនត្រូវទទួលខុសត្រូវចំពោះថ្លៃចំណាយណាមួយដែលពាក់ព័ន្ធនឹងការទាក់ទងពីអតិថិជនទៅកាន់ក្រុមហ៊ុន SBI Remit ថ្លៃចំណាយនៃការដឹកជញ្ជូនណាមួយ និងការចំណាយណាមួយដែលកើតចេញពីអតិថិជននៅក្នុងការត្រៀមរៀបចំសម្ភារៈដែលតម្រូវសម្រាប់កំណត់អត្តសញ្ញាណបុគ្គល ដូចមានចែកក្នុងប្រការពីមុន។

ការឆ្លើយតប
នៅពេលដែលនីតិវិធីនេះត្រូវបានបំពេញរួច ការឆ្លើយតបជាលាយលក្ខណ៍អក្សររបស់ក្រុមហ៊ុន ត្រូវផ្ញើតាមប្រៃសណីយ៍។
សូមចំណាំថា នីតិវិធីនានាជាទូទៅមានរយៈពេលប្រហែលពីរសប្តាហ៍។

(4) អំពីវិធានការសម្រាប់ការគ្រប់គ្រងសុវត្ថិភាពនៃព័ត៌មានផ្ទាល់ខ្លួនដែលបានរក្សាទុក សូមទាក់ទងការិយាល័យព័ត៌មានខាងក្រោម។

7. ក្រុមជំនួយរបស់ក្រុមហ៊ុន SBI Remit

សំណួរណាមួយ ការពិភាក្សា ឬពាក្យបណ្តឹងអំពីការគ្រប់គ្រងព័ត៌មានបុគ្គល គប្បីធ្វើណែនាំបន្តទៅកាន់ក្រុមជំនួយដែលមានចែងខាងក្រោម។

ក្រុមហ៊ុន SBI Remit Co., Ltd. – មជ្ឈមណ្ឌលសេវាអតិថិជន៖
03-5652-6759
ចុចលេខ 4 សម្រាប់ភាសាជប៉ុន / 1 សម្រាប់ភាសាតាហ្គាឡុក / 2 សម្រាប់ភាសាចិន / 3 សម្រាប់ភាសាអង់គ្លេស

4 សម្រាប់ភាសាជប៉ុន / 2 សម្រាប់ភាសាចិន
ម៉ោងធ្វើការ៖
ថ្ងៃចន្ទ-សុក្រ 09:00-18:00
ថ្ងៃចន្ទ-សុក្រ និងថ្ងៃឈប់សម្រាកបុណ្យជាតិ 10:00-18:00

1 សម្រាប់ភាសាតាហ្គាឡុក / 3 សម្រាប់ភាសាអង់គ្លេស
ម៉ោងធ្វើការ៖
ថ្ងៃចន្ទ-សុក្រ 08:00-22:00
ថ្ងៃចន្ទ-សុក្រ និងថ្ងៃឈប់សម្រាកបុណ្យជាតិ 12:00-21:00
(ក្រៅពីថ្ងៃបុណ្យចូលឆ្នាំ និងថ្ងៃឈប់សម្រាកដែលចែងដោយក្រុមហ៊ុន)

8. ឃុកគី（Cookies）

ក្រុមហ៊ុន SBI Remit ប្រើប្រាស់បច្ចេកវិទ្យាដែលហៅថាឃុកគី នៅលើគេទំព័ររបស់ខ្លួនដើម្បីអនុញ្ញាតឲ្យអតិថិជនរបស់ក្រុមហ៊ុនកាន់តែមានភាពងាយស្រួលក្នុងការប្រើប្រាស់ទំព័រនោះ។ ក្រុមហ៊ុនប្រើប្រាស់ឃុកគីដើម្បីអនុញ្ញាតឲ្យគេហទំព័ររបស់ក្រុមហ៊ុនកំណត់កុំព្យូទ័ររបស់អតិថិជន និងរក្សាទុកព័ត៌មានសម្រាប់ពេលណាដែលអតិថិជនត្រឡប់មកគេហទំព័ររបស់ក្រុមហ៊ុននៅពេលក្រោយ។ ក្រុមហ៊ុនមិនដែលប្រើឃុកគីដើម្បីទទួលបានព័ត៌មានផ្ទាល់ខ្លួនអំពីអតិថិជននោះទេ។

9. ការប្រើប្រាស់ព័ត៌មានអំពីអត្តសញ្ញាណបុគ្គលដែលផ្តល់ដោយក្រុមហ៊ុន Google Inc.។

ក្រុមហ៊ុន SBI Remit ប្រើប្រាស់ Google Analytics-ដែលជាសេវាផ្តល់ដោយក្រុមហ៊ុន Google Inc. ដែលធ្វើការវិភាគទៅលើការចូលទៅកាន់គេហទំព័រ—ដើម្បីលើកកម្ពស់គុណភាពនៃសេវារបស់ក្រុមហ៊ុន និងភាពងាយស្រួលសម្រាប់អតិថិជនរបស់ក្រុមហ៊ុន។ ក្រុមហ៊ុនប្រើប្រាស់សេវានេះដើម្បីប្រមូលព័ត៌មាននៅលើទំព័រដែលចូលមើលដោយអ្នកចូលទៅកាន់គេហទំព័ររបស់ក្រុមហ៊ុន ដោយគ្មានកំណត់អត្តសញ្ញាណបុគ្គលដោយផ្ទាល់។
បន្ថែមលើនេះ ក្រុមហ៊ុនប្រើប្រាស់កម្មវិធីបន្ថែមរបស់ Google Analytics ដើម្បីទទួលបានព័ត៌មានដូចខាងក្រោម (ចាប់ពីពេលនេះតទៅហៅថា “ព័ត៌មានកំណត់”) ពីក្រុមហ៊ុន Google Inc.

ព័ត៌មានស្តីពីលក្ខណៈអតិថិជន (អាយុ/ភេទ) ផលប្រយោជន៍ និងក្តីកង្វល់ ដែលមានការរំខានផ្អែកស្ថិតិពីការប្រើប្រាស់សេវាផ្សព្វផ្សាយរបស់ Google នៃអតិថិជន និងប្រវត្តិនៃការស្រាវជ្រាវលើអ៊ីនធឺណិត។

*អតិថិជនអាចចូលទៅកាន់ Ad Settings របស់ក្រុមហ៊ុន Google Inc. ដើម្បីធ្វើការផ្លាស់ប្តូរព័ត៌មានលក្ខណៈបុគ្គលដែលមានកំណត់ក្រុមហ៊ុន Google Inc.
*ព័ត៌មានកំណត់ដែលក្រុមហ៊ុនទទួលបានពីក្រុមហ៊ុន Google Inc. ពុំមានបញ្ចូលនូវព័ត៌មានដែលកំណត់អត្តសញ្ញាណរបស់បុគ្គលនោះទេ។
*ព័ត៌មានកំណត់ ពុំអាចទទួលបាននោះទេ ប្រសិនបើអតិថិជនពុំបានប្រើសេវាផ្សព្វផ្សាយរបស់ក្រុមហ៊ុន Google Inc.។

ក្រុមហ៊ុន SBI Remit និងក្រុមចែកចាយជាភាគីទីបី (រួមបញ្ចូលទាំងក្រុមហ៊ុន Google Inc.) ប្រើប្រាស់ឃុកគីរបស់ភាគីទីមួយ (ដូចជាឃុកគីរបស់ Google Analytics) និងឯកសារកំណត់អត្តសញ្ញាណភាគីទីមួយ និងឃុកគីរបស់ភាគីទីបី (ដូចជាឃុគគីរបស់ DoubleClick), ឬការរួមបញ្ចូលគ្នានៃឯកសារកំណត់អត្តសញ្ញាណរបស់ភាគីទីបីដើម្បីធ្វើការវិភាគព័ត៌មានកំណត់ ចំណាប់អារម្មណ៍ និងក្តីបារម្ភរបស់គេហទំព័ររបស់ក្រុមហ៊ុន។ ក្រុមហ៊ុនក៏អាចទទួលបានទិន្នន័យពីការស្រាវជ្រាវលើការផ្សព្វផ្សាយរបស់អតិថិជន សូមចុចលើប្រវត្តិ និងប្រើប្រាស់គេហទំព័រមិនមែនជារបស់ក្រុមហ៊ុន SBI Group ដើម្បីប្រើព័ត៌មានកំណត់នៃការផ្សព្វផ្សាយដោយបណ្តាក្រុមហ៊ុន។

ប្រសិនបើអ្នកមិនចង់ឲ្យក្រុមហ៊ុន SBI Remit អាចចូលទៅកាន់ព័ត៌មានកំណត់តាមរយៈការប្រើប្រាស់ Google Analytics, បន្ទាប់មក សូមចូលតាម URL ខាងក្រោមដើម្បីជ្រើសរើសចាកចេញ។
https://tools.google.com/dlpage/gaoptout

ថ្ងៃទី01 ខែមេសា ឆ្នាំ 2022

ការ​គ្រប់​គ្រង​ព័ត៌មាន​បុគ្គល​

1. បញ្ហា​នានា​ពាក់ព័ន្ធ​នឹង​ការ​បោះពុម្ព​ផ្សាយ​ការ​ប្រើប្រាស់​ដោយ​ចេតនា​នូវ​ព័ត៌មាន​បុគ្គល​

2. ការ​ទទួល​បាន​ព័ត៌មាន​បុគ្គល​ត្រឹមត្រូវ​

3-1. ការ​ផ្តល់​ព័ត៌មាន​បុគ្គល​ជូន​ដល់​ភាគី​ទី​បី​

3-2. ការផ្តល់ព័ត៌មានផ្ទាល់ខ្លួនដល់ភាគីទីបីនៅបរទេស

4. ការ​ប្រើប្រាស់រួមគ្នា​នៃ​ព័ត៌មាន​បុគ្គល​

5. នីតិវិធី​ក្នុង​ការ​លុប​ចោល​ការ​ធ្វើ​ទីផ្សារ​ដោយ​ផ្ទាល់​